“Milan” 17 yaşlı isveçlini transfer etdi
ESTAFET/ “Milan” yeni futbolçu transferini açıqlayıb. İtaliya klubu “Hammarbü”nün hücumçusu Emil Robakı heyətinə qatıb.
17 yaşlı mərkəz hücumçusunun keçidi “rossonyerlər”ə 1,5 milyon avroya başa gəlib. Robak yeni komandasına sentyabrın 1-də qoşulacaq. O, əvvəlcə A seriyası təmsilçisinin U-19 komandasında çıxış edəcək.
Qeyd edək ki, Emil Robak İsveçin U-16 və U-17 yığmasında çıxış edib.
Müəllif: Natiq NƏSİROV
