“Sumqayıt” Turabovu icarəyə götürdü
ESTAFET/ Ölkəmizi futbol üzrə UEFA Avropa Liqasında təmsil edəcək “Sumqayıt” daha bir oyunçunu heyətinə cəlb edib. “Gənclik şəhəri” təmsilçisi “Sabah”ın yarımmüdafiəçisi Eltun Turabovla anlaşıb.
“Kimyaçılar” 23 yaşlı orta sahə oyunçusunu paytaxt klubundan 1 illik icarəyə götürüb. U-21 millimizin sabiq oyunçusu ötən mövsümü icarə əsasında Albaniya təmsilçisi “Bilis”də keçirib. “Qarabağ”ın yetirməsi olan Turabov “Sabah”a 2018-ci ildə üz tutub.
Qeyd edək ki, “Sumqayıt” yay fasiləsində buna qədər Tellur Mütəllimov, Elvin Məmmədov və Kərəm Sultanovla müqavilə imzalayıb.
