Slovakiya və Gürcüstanla oyununun məkanı dəqiqləşdi
ESTAFET/ 21 yaşadək futbolçulardan ibarət komandalar arasında Avropa çempionatının seçmə mərhələsində Azərbaycan yığmasının keçirəcəyi oyunların stadionları müəyyənləşib. Yığmamız əvvəlcə oktyabrın 8-də Nitra şəhərindəki eyniadlı stadionda Slovakiya ilə qarşılaşacaq.
Komandamız oktyabrın 13-də isə Qoridə yerləşən Tengiz Burjanadze adına stadionda Gürcüstan yığmasının qonağı olacaq.
Qeyd edək ki, II qrupda yer alan Azərbaycan millisi keçirdiyi 6 oyunda 6 xal toplayıb və 6 komanda arasında 5-ci pillədə qərarlaşır.
