ESTAFET/ Futbol üzrə UEFA Çempionlar Liqasında (ÇL) 2020/21 mövsümünün I təsnifat mərhələsinə start verilir. Bu gün ilk oyunlar keçiriləcək.

Açılış matçı Bakıda - "Qarabağ"la "Sileks" arasında baş tutacaq mərhələnin ilk günündə ümumilikdə 5 cütlük qalibi müəyyənləşdirəcək. Oyunlardan sonra növbəti mərhələyə yüksələcək komandalar bəlli olacaq.

Təsnifat mərhələləri bir görüşdən ibarət olduğundan, qaliblər II mərhələyə yüksələcək. Məğlub komandalar isə mübarizəni Avropa Liqasında davam etdirəcək.

Çempionlar Liqası
I təsnifat mərhələsi
18 avqust 2020
20:00. “Qarabağ” (Azərbaycan) - “Sileks” (Şimali Makedoniya)
21:00. “Legiya” (Polşa) – “Linfild” (Şimali İrlandiya)
22:00. “Dinamo” (Brest, Belarus) - “Astana” (Qazaxıstan)
22:45. “Seltik” (Şotlandiya) – “Reykyavik” (İslandiya)
23:00. “Srvena Zvezda” (Serbiya) - “Europa” (Cəbəllütariq)