ESTAFET/ Futbol üzrə Azərbaycan Premyer Liqasında mübarizə aparan klubların iştirakı ilə yoxlama oyunu keçirilib. Milli komandaların oyunları ilə əlaqədar yaranan fasilə dövründə hazırlığını davan etdirən “Səbail” və “Qəbələ” Bakıda üz-üzə gəlib.

Komandalar Bakı Olimpiya Stadionunun ehtiyat meydançasında qarşılaşıb. Qarşılaşmanın ilk yarısında qol qeydə alınmayıb. Matçın taleyini bir qol həll edib. 75-ci dəqiqədə fərqlənən Nikolas Raysel “qırmızı-qaralar”a qələbə qazandırıb.

Qeyd edək ki, Premyer Liqada növbəti turun oyunları sentyabrın 11-13-də keçiriləcək.

Yoxlama oyunu
30 avqust 2020
17:00. “Səbail” – “Qəbələ” – 0:1
Qol: Nikolas Raysel, 75 (pen)
Bakı Olimpiya Stadionu. Ehtiyat meydança