ESTAFET/ Bu gün Millətlər Liqasında I tura yekun vurulacaq. Sentyabrın 3-də start götürən turun son günündə 9 oyun keçiriləcək.

Günün mərkəzi görüşü “Ölüm qrupu”nda baş tutacaq. A liqasının 3-cü qrupunda Avropa çempionu və Millətlər Liqasının qalibi Portuqaliya ilə dünya vitse-çempionu Xorvatiya görüşəcək. Qrupun digər matçında dünya çempionu Fransa İsveçi sınağa çəkəcək.

A liqasının 2-ci qrupunda İngiltərə İslandiyanın, Belçika Danimarkanın qonağı olacaq. C liqasında da 4 matç təşkil olunacaq.

Azərbaycan yığması evdə Lüksemburqla görüşəcək. Komandamızın digər rəqibləri Kipr və Monteneqro birincilərin meydanında üz-üzə gələcək. Liqanın 2-ci qrupunda Gürcüstan Estoniyanın, Ermənistan Şimali Makedoniyanın qonağı olacaq. Cəbəllütariq və San-Marino D liqasında qarşılaşacaq.

Qeyd edək ki, Millətlər Liqasında II tura sentyabrın 6-da start veriləcək.

UEFA Millətlər Liqası
I turun oyunları
5 sentyabr 2020

C liqası, 2-ci qrup
17:00. Şimali Makedoniya – Ermənistan
20:00. Estoniya – Gürcüstan

D liqası, 2-ci qrup
17:00. Cəbəllütariq – San-Marino

A liqası, 2-ci qrup
20:00. İslandiya – İngiltərə
22:45. Danimarka – Belçika

C liqası, 1-ci qrup
20:00. Azərbaycan – Lüksemburq
20:00. Kipr – Monteneqro

A liqası, 3-cü qrup
22:45. Portuqaliya - Xorvatiya
22:45. İsveç - Fransa