ESTAFET/ Avropa Liqasının II təsnifat mərhələsində “Neftçi” ilə qarşılaşacaq Türkiyənin “Qalatasaray” klubunun Bakıya gələcək heyəti açıqlanıb.

Klubun rəsmi saytının məlumatına görə, İstanbul təmsilçisinin heyətində 20 futbolçu yer alıb. Baş məşqçi Fatih Terim “23-lük”dən yarımmüdafiəçi Oqenekaro Etebo, həmçinin hücumçular Yunus Akgün və Ali Yavuz Kolu çıxarıb. Komanda bu gün Bakı vaxtı ilə saat 12:00-da yola düşəcək.

Qapıçılar: 34. Okan Kocuk, 99. Fatih Öztürk
Müdafiəçilər: 2. Şener Özbayraklı, 3. Omar Elabdellaui, 14. Martin Linnes, 15. Rayan Donk, 19. Ömər Bayram, 27. Kristian Luyindama, 36. Marselo Sarakki, 45. Markao Teyşeyra
Yarımmüdafiəçilər: 4. Taylan Antalyalı, 10. Yunes Belhanda, 21. Cimmi Durmaz, 54. Əmrə Kılınç, 89. Sofian Fequli
Hücumçular: 8. Rayan Babel, 9. Radamel Falkao, 66. Arda Turan, 77. Jesse Sekidika, 90. Mbaye Dian.

Qeyd edək ki, sabah Bakı Olimpiya Stadionunda keçiriləcək “Neftçi” – “Qalatasaray” oyunu saat 20:00-da başlayacaq.