“Barselona” Vidalı 1 milyona satdı
ESTAFET/ “Barselona”nın yarımmüdafiçisi Arturo Vidalın yeni komandası müəyyənləşib. Çili millisinin üzvü yenidən İtaliyada çıxış edəcək.
33 yaşlı orta sahə oyunçusunun “İnter”ə keçidi həll olunub. Klublar arasındakı razılığa əsasən, “neradzurra” qarşı tərəfə 1 milyon avro ödəyəcək. Futbolçu özü sabah Milana yollanaraq yeni komandasında tibbi müayinədən keçdikdən sonra 2+1 illik müqavilə imzalayacaq. Vidalın “İnter”də illik məvacibi 6 milyon avro olacaq.
Qeyd edək ki, 2011-2015-ci illərdə İtaliyada “Yuventus”un formasını geyinən Arturo Vidal 2018-ci ildən “Barselona”da çıxış edib.
