ESTAFET/ Bu gün keçiriləcək “Sevilya” – “Çelsi” qarşılaşması Çempionlar Liqası tarixində ilklə əlamətdar olacaq. Qrup mərhələsinin V turunun oyununda VAR stadiondan kənarda fəaliyyət göstərəcək.

Bu, Çempionlar Liqası tarixində ilk belə hadisədir. Videoassistentlər UEFA-nın İsveçrədəki mənzil-qərargahında işləyəcək. Ehtiyat variant kimi arenada da əlavə videoassistentlər olacaq ki, onlar zərurət yaransa “səhnəyə çıxacaq”. Portuqaliyalılar Tyaqu Lopeş və Luiş Branko Nyonda, italiyalılar Paolo Valeri və Çiro Karbone stadionda olacaq. 

Qeyd edək ki, əksər daxili yarışlarda VAR sistemi mərkəzləşdirilmiş qaydada tətbiq olunur.