Uilşirin yeni klubu müəyyənləşib
ESTAFET/ İngiltərə millisinin və “Arsenal”ın sabiq futbolçusu Cek Uilşirin karyerasını davam etdirəcəyi klub müəyyənləşib. Yarımmüdafiəçi “Bornmut”a keçir.
29 yaşlı futbolçu ötən ilin oktyabrından düşərgəsində məşq keçdiyi Çempionşip təmsilçisi ilə müqavilə imzalamağa yaxındır.
Uilşirin son klubu “Vest Hem” olub. O, oktyabrın əvvəlində bu komandadan ayrılıb.
Qeyd edək ki, 2010-16-cı illərdə yığmada oynamış Uilşir “Vest Hem”dən öncə 10 ilə yaxın “Arsenal”ın şərəfini qoruyub. (apasport.az)
