“Antalyaspor”a 3 dönəm transfer qadağası qoyulacaq
ESTAFET/ Türkiyənin “Antalyaspor” klubu UEFA tərəfindən cəzalandırılacaq. Super Liqa təmsilçisinə 3 dönəm transfer qadağası qoyulması gözlənilir.
Buna səbəb Antalya təmsilçisinin maddi böhran səbəbindən borclarını ödəyə bilməməsidir. Klubu bu ağır durumdan çıxara bilməyən prezident Ali Şafak Öztürk bir müddət əvvəl vəzifəsindən istefa verib. Həmçinin baş məşqçi Ərsun Yanalın da istefa ərizəsi yazdığı və bunu tezliklə açıqlayacağı bildirilib.
Qeyd edək ki, “Antalyaspor” hazırda 25 xalla 11-ci pillədə qərarlaşır.
