ESTAFET/ Bu gün qadın voleybolçular arasında Qızıl Avropa Liqası start götürüb. Azərbaycan millisi ilk oyununu keçirib.

A qrupunda yer alan millimiz ilk matçında İspaniya ilə qarşılaşıb. Görüş birinci dövrəyə ev sahibliyi edən Rumıniyada keçirilib. Vüqar Əliyevin yetirmələri Klujdakı “Horia Demian” idman zalında məğlubiyyətə üzülüb. Rəqib "quru hesabla" qələbə qazanıb.

Qeyd edək ki, qrupun digər oyununda Rumıniya Fransaya 3:2 (17:25, 23:25, 26:24, 26:24, 15:11) hesabı ilə qalib gəlib.

I tur, 28 may 2021
20:00. İspaniya – Azərbaycan  3:0 (25:22, 25:22, 25:12)
Hakimlər: Pol Katalin Sabo-Aleksi (Rumıniya), Peter Sabo (Macarıstan)
Kluj. “Horia Demian” idman zalı