ESTAFET/ “Sabah” qış fasiləsinə yollanmamış daha bir futbolçu ilə yollarını ayırıb. Klubun mətbuat xidmətinin məlumatına görə, qapıçı Saşa Stamenkoviç paytaxt klubu ilə vidalaşıb.

Serbiyalı qolkiper Premyer Liqanın XIV turunda “Səbail”lə bu gün keçiriləcək matçdan sonra rəsmən yola salınacaq. 36 yaşlı Stamenkoviçin müqaviləsinə xitam verilməsi üçün rəhbərliyə müraciəti müsbət qarşılanıb.

Qeyd edək ki, Saşa Stamenkoviç 2018-ci ildən “Sabah”ın uğurları üçün çalışır. İndiyə qədər 67 matçda (Premyer Liqa – 63, ölkə kuboku - 4 oyun) şans qazanan qolkiper bu sahədə klubun rekordçusudur.