“Qalatasaray” İstanbula qayıda bilmir
ESTAFET/ Futbol üzrə UEFA Avropa Liqasının 1/8 final mərhələsinin ilk oyununda “Barselona”nın qonağı olan “Qalatasaray” bu gün Türkiyəyə qayıdacaq.
“Cim-bom”un dönüş proqramında dəyişiklik edilib.
Heyət səhər saatlarında Barselonanı tərk etməli olsa da, İstanbuldakı əlverişsiz hava şəraiti səbəbindən uçuş təxirə salınıb. Komandanı vətənə gətirəcək təyyarə Bakı vaxtı ilə saat 19:30-da Barselonadan ayrılacaq və İstanbula deyil, İzmirə uçacaq.
Qeyd edək ki, “Nou Kamp”da keçirilən oyun qolsuz bərabərliklə yekunlaşıb. Cavab görüşü martın 17-də İstanbulda baş tutacaq.
Müəllif: Orxan NOVRUZOV
