“Mançester Siti”nin 22 oyunluq seriyası qırıldı
ESTAFET/ Futbol üzrə İngiltərə Premyer Liqasının XXXII turunda “Liverpul”la oyun “Mançester Siti”nin uğurlu seriyasının başa çatmasına səbəb olub. "Şəhərlilər" cari mövsüm çempionatda ilk dəfə hesabı açmasına baxmayaraq, qalib gələ bilməyib.
Mançester təmsilçisi matçda iki dəfə önə keçsə də, meydanı 2:2 hesablı bərabərliklə tərk edib. Pep Qvardiolanın yetirmələri bundan əvvəl ilk qolu vurduğu 22 liqa görüşünün hamısında qalib gəlməyi bacarıb.
Qeyd edək ki, hazırda “Mançester Siti” 74 xalla turnir cədvəlinə başçılıq edirsə, ikinci pillədəki “Liverpul” ondan 1 xal geri qalır.
