ESTAFET/ Bu gün Azərbaycan kubokunda 2021/22 mövsümünün final oyunu keçiriləcək. Bununla da cari futbol mövsümünə “Qarabağ” - “Zirə” matçı ilə yekun vurulacaq.

30-cu olan yubiley kubokun paytaxtdan kənarda baş tutacaq. Premyer Liqanın çempionu olan “Qarabağ” “Qızıl dubl”unu rəsmiləşdirmək üçün heç vaxt uduzmadığı rəqibini Qəbələdə məğlub etməlidir. Qurban Qurbanovun yetirmələri klub tarixində 7-ci kuboku qazanmaqla rekorda imza atmaq arzusundadır.

Çempionatı bürünclə başa vuran “Zirə” isə ilk titulunu əldə etməyə çalışacaq. Rəşad Sadıqovun yetirmələri bunun üçün “Qarabağ” sindromunu qıraraq ilk dəfə qalib gəlməli, ya da penaltilər seriyasında qələbəyə sevinməlidir.

Azərbaycan kuboku
Final
27 may 2022
19:00. “Qarabağ” – “Zirə”
Baş hakim: Elçin Məsiyev
Qəbələ şəhər stadionu