Rostislav Pevtsov Avropa çempionatında 14-cü yeri tutub
Triatlon üzrə Azərbaycanın yığmasının üzvü Rostislav Pevtsov Münhenda keçirilən Avropa çempionatında 14-cü yeri tutub. Pevtsov 1500 metrlik su məsafəsini 18 dəqiqə 37 saniyəyə başa vurub. Ardınca 40 kilometrlik velodistansiyanı 51 dəqiqə 16 saniyəyə qət edib. Nəhayət, yarışların sonuncu mərhələsi - 10 kilometrlik qaçış zolağını idmançımız 32 dəqiqə 6 saniyəlik nəticə ilə başa vurub. Ümumi hesabda R.Pevtsov 1 saat 43 dəqiqə 1 saniyəlik göstərici ilə 14-cü yerdə qərarlaşıb. 71 idmançının mübarizə apardığı turnirin qalibi fransalı Leo Berjere olub.
