ESTAFET/ Bu gün futbol üzrə Misli Premyer Liqasında növbəti oyunlar keçiriləcək.

İki gün öncə start götürən V tur çərçivəsində iki matç baş tutacaq.

Günün ilk matçı Şamaxıda təşkil olunacaq. Autsayderlərdən biri olan şəhərin eyniadlı komandası “Turan Tovuz”u qəbul edəcək. Debütant xal hesabını artırmaq, “Şamaxı” isə ilk qələbə üçün mübarizə aparacaq.

Son vitse-çempion “Neftçi” “Sumqayıt”ı sınağa çəkəcək. Hələ də qol həsrətində olan “Gənclik şəhəri” təmsilçisi sensasiya arzusundadır. Bakılılar isə liderlərə çatmaq üçün turu itkisiz keçməlidir.

Qeyd edək ki, tura sabah yekun vurulacaq.

Misli Premyer Liqası
V tur
3 sentyabr 2022
16:00  “Şamaxı” - “Turan Tovuz”
Baş hakim: Rauf Allahverdiyev
Şamaxı şəhər stadionu

20:30  “Neftçi” - “Sumqayıt”
Baş hakim: Kamal Umudlu
“Bakcell Arena”