ESTAFET/ Xəbər verdiyimiz kimi, bugündən etibarən, Türkiyənin paytaxtı Ankarada ağır atletika üzrə üçqat Olimpiya çempionu Naim Süleymanoğlunun xatirəsinə həsr olunmuş beynəlxalq turnir start götürüb. Yarışda 16 ölkədən 72 atlet çıxış edir.

Onların arasında Azərbaycan yığmasının üzvləri də var. Körpücük üzərinə Tehran Məmmədov çıxıb. O, 67 kq çəki dərəcəsində yarışıb. İdmançımız birdən qaldırma hərəkətində 126 kq-ı ram edib və bu hərəkətdə gümüş medala sahib çıxıb. Tehran təkanla qaldırmada 147 kq nəticə ilə həm bu hərəkətdə, həm də toplamda 273 kq-lıq (126+147) nəticə ilə 4-cü pillədə qərarlaşıb.