KAMRAN GÜMÜŞLƏ KİFAYƏTLƏNDİ: BOKS ÜZRƏ AÇ-2017
ESTAFET/ Xarkovda (Ukrayna) kişilər arasında boks üzrə Avropa çempionatı başa çatıb.
Bu gün çempionatda bütün final görüşləri ilə qitənin ən güclü dəri əlcək ustaları müəyyənləşib. Azərbaycan finalda yalnız 1 boksçu ilə təmsil olunurdu. 75 kq çəki dərəcəsində döyüşən Kamran Şahsuvarlı final görüşündə meydan sahibi oleksandr Xijnyaka müqavimət göstərə bilməyib və çempionatı gümüş medalla bitirib.
Xəbər verdiyimiz kimi, Avropa çempionatı eyni zamanda avqust ayında Hamburq (Almaniya) şəhərində keçiriləcək Dünya çempionatı üçün vəsiqə verirdi. Bunun üçün 1/4 finala adlamaq kifayət edirdi. Qitə çempionatına tam heyətlə (10 boksu) yollanan millimiz mundiala 5 vəsiqə əldə edib.
64 kq: Lorenzo Sotomayor
69 kq: Pərviz Bağırov
75 kq: Kamran Şahsuvarlı
91 kq: Abdulqadir Abdullayev
+91 kq: Məhəmmədrəsul Məcidov
