Salah Dalqlişi geridə qoydu
![](https://estafet.az/uploads/news/2023-01/_estafetaz_17a1dca2c7fae4d5d47b92e07_o.jpg)
ESTAFET/ İngiltərə kubokunun 1/32 final mərhələsinin “Vulverhempton”la matçı (2:2) “Liverpul”un futbolçusu Məhəmməd Salah üçün əlamətdar olub.
Həmin görüşdə misirli hücumçu qol vurmaqla klubun əfsanəvi futbolçusu Kenni Dalqlişi qabaqlayıb.
Salah “Liverpul” formasıyla 173-cü qolunu vurub və Dalqlişi keçib. Mersisayd təmsilçisinin ən çox qol vuran futbolçusu isə Yan Rayşdır – 346 qol. İlk üçlüyü Rocer Hant (285 qol) və Qordon Hocson (241 qol) tamamlayır.
İngiltərə kubokunun 1/32 final mərhələsinin “Liverpul” – “Vulverhempton” matçı bərabərliklə bitdiyi üçün (2:2) cütün qalibi cavab qarşılaşmasından sonra bəlli olacaq.
![](https://estafet.az/img/foto200x133.png)