Rəhimovadan ikinci qələbə - DÇ-2023
ESTAFET/ Azərbaycan boksçusu Zeynəb Rəhimova Hindistanın paytaxtı Nyu Dehlidə keçirilən dünya çempionatında ikinci döyüşünü keçirib.
54 kq çəkidə çıxış edən milli üzvü 1/16 final çərçivəsində Kristin Gillespi (Yeni Zelandiya) ilə qarşılaşıb.
Görüş təmsilçimizin qələbəsi ilə başa çatıb. O, rəqibini 5:0 (30:27, 30:24, 30:27, 30:27, 29:28) hesabı ilə məğlub edib.
Rəhimova 1/8 finalda Yohana Karolina Qomeslə (Venesuela) üz-üzə gələcək. Görüş martın 20-də olacaq.
Xatırladaq ki, Rəhimova 1/32 finalda Lethokule Sibisə (CAR) qalib gəlib.
