Qadın cüdoçular DÇ-yə Yaponiyada hazırlaşırlar
ESTAFET/ Azərbaycanın cüdo üzrə qadınlardan ibarət yığma komandasının üzvləri aprelin 5-dən etibarən Yaponiyada cüdo təlim düşərgəsində iştirak edir.
Aprelin 22-nə qədər davam edəcək hazırlıq prosesinə Azərbaycanın cüdo üzrə qadınlardan ibarət yığmasının 6 üzvü qatılıb.
Cüdoçulara qadınlardan ibarət yığmanın baş məşqçisi Rəşad Məmmədov rəhbərlik edir.
Təlim-məşq toplanışı 7-13 may tarixlərində Qətərin paytaxtı Dohada baş tutacaq böyüklər arasında dünya çempionatına hazırlıq məqsədi daşıyır.
