"KƏPƏZ" İLK YOXLAMADAN QALİB AYRILDI
ESTAFET/ Yeni mövsümün hazırlıqlarını ölkə paytaxtında davam etdirən “Kəpəz” bu gün ilk yoxlama oyununa çıxıb. “Sarı-göylər” həvəskarlar liqasının təmsilçisi olan “Bakı” ilə qarşılaşıb. Rəqib meydanında baş tutan görüş Gəncə klubunun 1:2 hesablı qələbəsi ilə nəticələnib. “Kəpəz”dən qolları yeni transferlər İlyas Səfərzadə və Kamran Abdullazadə vurub.
Gəncəlilər növbəti yoxlama oyununu iyulun 11-də “Neftçi”yə qarşı keçirəcək.
