“Səbail”də daha bir ayrılıq
ESTAFET/ “Səbail” hücumçusu Qoba Zakpa ilə də vidalaşıb. Bu barədə klubun mətbuat xidməti məlumat yayıb.
Oyunçu ilə mövsümün sonunda başa çatan müqavilə müddəti yenilənməyib. Ona xidmətlərinə görə təşəkkür edilib, gələcək karyerasında uğurlar arzulanıb.
Zakpa 2022-ci ilin yayından formasını geyindiyi “Səbail”də 33 oyuna 6 qol vurub, 3 assist edib.
“Səbail” bu gün Qustavo de Fransa və Luvaqa Kizitonu da saxlamayacağını açıqlamışdı.
