Basketbol üzrə U-16 millimiz Avropa çempionatına yollanır
19-27 iyul tarixlərində Kosovanın paytaxtı Priştina şəhərində 16 yaşlı oğlanlar arasında basketbol üzrə Avropa çempionatı "C" divizionun oyunları baş tutacaq. B qrupunda qərarlaşmış U-16 millimiz, Albaniya, Kipr, Ermənistan və San Marino seçmələrinə qarşı mübarizə aparacaq. Tahir Baxşıyev və Polad Həsənovun rəhbərlik etdiyi millimizin qrupdakı ilk oyunu, 19 iyul Bakı vaxtı ilə saat 17:00 -da Kipr yığmasına qarşı olacaq. Qeyd edək ki, Avropa çempionatının bütün oyunları FİBA -nın rəsmi "youtube" hesabından canlı olaraq yayımlanacaq.
