Azərbaycan idmançıları bu yarışda ümumilikdə 62 medal qazanıblar.

Avqustun 13-də Belarusun paytaxtı Minsk şəhərində ll MDB Oyunlarının təntənəli bağlanış mərasimi keçirilib. Tədbirdə iştirakçı ölkələrin idmançıları, o cümlədən, Azərbaycan təmsilçiləri iştirak ediblər.

Mərasimdə Oyunların iştirakçısı olmuş dövlətlərin bayraqları hər bir ölkənin idmançısı tərəfindən nümayiş olunub. Ardınca, ilk beş komandanın medal sıralaması açıqlanıb. Azərbaycan komandası medal sıralamasında 4-cü yeri tutub. İlk üçlüyü Rusiya, Belarus, Özbəkistan komandaları tutub. Qazaxıstan isə 5-ci yerdə qərarlaşıb.

Daha sonra, yarışın estafeti təntənəli şəkildə Azərbaycana təhvil verilib. MDB ölkələrinin üçüncü Oyunlarının 2025-ci ildə Azərbaycanda keçiriləcəyi elan edilib. Minskdə keçirilən Oyunların rəsmi bayrağının təhvil verilməsi mərasimində Azərbaycan Respublikası Baş nazirinin müavini Şahin Mustafayev və Belarus Respublikası Baş nazirinin müavini İqor Petrişenko iştirak ediblər.

Tədbir konsert proqramı ilə davam edib.