“Vüqar Həşimov” qələbə ilə başladı
ESTAFET/ Albaniyanın Durras şəhərində şahmat üzrə klublar arasında Avropa Kubokuna start verilib.
Xəbər verdiyimiz kimi, Azərbaycanı yarışda “Vüqar Həşimov” komandası təmsil edir. Komandamız ilk turda Böyük Britaniya təmsilçisi “Seltik Taygers”lə üz-üzə gəlib.
Görüş 5,5:0,5 hesabı ilə şahmatçılarımızın xeyrinə yekunlaşıb. “Vüqar Həşimov” heyətində Aydın Süleymanlı, Vüqar Əsədli, Əhməd Əhmədzadə, Read Səmədov və Ülvi Sadıxov qələbə qazanıb, Abdulla Qədimbəyli heç-heçə edib.
Reqlamentə əsasən 7 turdan sonra qalibin müəyyənləşəcəyi yarışda 84 klub mübarizə aparır.
