Stolüstü tennisçilər Türkiyəyə yollanıblar
Stolüstü tennisçilər 2024-cü ilin ilk beynəlxalq yarışında bacarıqlarını göstərəcəklər. Seçmə komandamızın 3 üzvü bu məqsədlə Türkiyənin Antalya şəhərinə yollanıb. Söhbət Adil Əhmədzadə, Mərziyyə Nurmətova və Aylin Əsgərovadan gedir. Onlar məşqçi Ramil Cəfərovun rəhbərliyi ilə yanvarın 16-dan 19-dək “WTT Youth Contender” turnirində mübarizə aparacaqlar. Qeyd edək ki, stolüstü tennisçilərimiz ötən il “WTT Youth Contender” seriyalı yarışlarda 16 medal qazanmışdılar.
