Türkiyə Ağırlıqqaldırma Federasiyasının prezidenti Azərbaycan yığmasını ziyarət edib
Türkiyə Ağırlıqqaldırma Federasiyasının prezidenti Talat Ünlü hazırda Türkiyədə təlim-məşq toplanışında olan yığma komandamızı ziyarət edib. O, 12-20 fevral tarixlərində Bolqarıstanda keçiriləcək Avropa çempionatına və digər beynəlxalq yarışlara hazırlaşan Azərbaycanın idmançı və məşqçi heyətiylə görüşüb, onlarla söhbət edib.
Ünlü Türkiyə və Azərbaycan yığma komandalarının birgə toplanış keçməsinin müsbət məqam olduğunu, qardaş ölkələrin qitə və dünya çempionatlarında, həmçinin Olimpiya Oyunlarında birlikdə qələbələr yaşayacağına əminliyini bildirib.
