Abşeron-Xızı Regional Təhsil İdarəsinin və Milli Qəhrəman Mübariz İbrahimov adına Biləsuvar Təhsil Kompleksinin ASAPES ilə birgə əməkdaşlığı çərçivəsində şagirdlərin Akademiyaya ekskursiyası keçirilib.

İdman həftəsi ərzində Sumqayıt şəhər Tofiq İsmayılov adına 29 №-li, Masazır kənd 5 №-li tam orta məktəblərin və Mübariz İbrahimov adına Biləsuvar Təhsil Kompleksinin şagirdləri ASAPES-lə yaxından tanış olublar.

Onlar Akademiyanın Elmi işlər, beynəlxalq əlaqələr və keyfiyyət siyasəti üzrə prorektoru Ülkər Babayeva, İdman işləri üzrə prorektoru, Olimpia çempionu Fərid Mansurov, Olimpia çempionu Zemfira Meftahətdinova və “Ağ Canavar” ləqəbli 28 qat dünya çempionu Eduard Məmmədovla görüşüblər.

İdman həftəsinin keçirilməsində məqsəd şagirdlərin idmana olan marağının artırılması, sağlam həyat tərzinin təbliğidir.