ESTAFET/ Azərbaycanın futbol üzrə U-17 və U-19 millilərinin Avropa çempionatının 2024/2025 mövsümü üzrə birinci mərhələsindəki rəqibləri müəyyənləşib.

AFFA-nın rəsmi saytının xəbərinə görə, püşkatma mərasimi İsveçrənin Nyon şəhərində baş tutub.

U-17 Macarıstan, Yunanıstan və Rumıniya ilə 6-cı qrupda mübarizə aparacaq. Turnirin final mərhələsi 2025-ci ildə 8 komandanın iştirakı ilə Albaniyada keçiriləcək.

Azərbaycanın U-19 millisi isə Avropa çempionatının 2024/2025 mövsümü üzrə seçmə mərhələsində mübarizə aparacaq. Komanda 7-ci qrupda İrlandiya, İslandiya və Moldova yığmaları ilə qarşılaşacaq. Yarışın final mərhələsi 2025-ci ildə 8 komandanın iştirakı ilə Rumıniyada keçiriləcək.