İKİNCİ FİNALÇI SERBİYA OLDU
ESTAFET/ İstanbul (Türkiyə), Helsinki (Finlandiya), Kluj-Napoka (Rumıniya) və Tel-Əviv (İsrail) şəhərlərində keçirilən kişilər arasında basketbol üzrə Avropa çempionatı (Eurobasket) artıq finalçılar müəyyənləşib.
Xəbər verdiyimiz kimi, dünən İspaniyanı məğlub edən Sloveniya (92:72) ilk olaraq adını finala yazdırmışdı. Bu gün İstanbulun Sinan Erdem idman Salonunda keçirilən ikinci yarımfinal qarşılaşmasında Serbiya yığması Rusiya ilə qarşılaşırdı. Gərgin keçən qarşılaşmanın yekununda gülən tərəf serblər olub - 87:79 (25:20, 23:14, 18:23, 21:22).
