Azərbaycan cüdoçuları Tbilisidə keçirilən Avropa Kubokunda 5 medal qazandı
Gürcüstanın paytaxtı Tbilisidə yeniyetmələr arasında Avropa Kuboku start götürüb. Azərbaycanın 5 cüdoçusu ilk yarış günündə fəxri kürsüyə yüksəlib.
Qızlar arasında -48 kq çəki dərəcəsində tatamiyə çıxan Nərmin Ağamirzadə gümüş medalla kifayətlənib. Bu çəkidə Leyla Ələkbərova isə üçüncü olub. Xədicə Abdullayeva (-44 kq) da turniri bürünc medalla tamamlayıb.
Oğlanların mübarizəsində isə Rza Xəlilli (-50 kq) və Zeyd Ələsgərov (-60 kq) bürünc medala sahib olublar.
Qeyd edək ki, Avropa Kubokunda 15 ölkədən 340 cüdoçu qüvvəsini sınayır.
