ESTAFET/ Xəbər verdiyimiz kimi, bu gün İsveçrənin Nyon şəhərində 17 və 19 yaşadək futbolçular arasında keçiriləcək Avropa çempionatının 2018-19 mövsümü üçün seçmə mərhələsinin püşkü atılıb.

Azərbaycan yığmalarının da iştirak edəcəyi Avropa çempionatının seçmə mərhələsində qrup oyunlarının keçiriləcəyi ölkələr müəyyənləşib. 17 yaşlılarımız Albaniyada, 19 yaşlılarımız isə Gürcüstanda çıxış edəcəklər.

Xatırladaq ki, 17 yaşlılarımız meydan sahibləri ilə yanaşı Çexiya və Norveçlə 8-ci qrupda mübarizə aparacaqlar. Qrup oyunları 2018-ci ilin 23, 26 və 29 oktyabr tarixlərində keçiriləcək.

19 yaşlılarımız isə meydan sahibləri ilə yanaşı İsrail və Lixtenşteynlə 1-ci qrupda mübarizə aparacaqlar. Bu qrupun oyunları isə 2018-ci ilin 14, 17 və 20 noyabr tarixlərində oynanılacaq.