ESTAFET/ Gənc basketbolçular arasında 3 yaş qrupu üzrə (U16, U18 və U20)  2018-ci il Avropa çempionatlarının püşkü atılıb.

Elşən Yusubovun rəhbərlik etdiyi 16 yaşlı basketbolçularımız San-Marinoda keçiriləcək C Divizionunun A qrupunda mübarizə aparacaq. Burada rəqiblərimizdən biri Ermənistan yığmasıdır. 

Samit Nuruzadənin gəncləri isə (U18) Makedoniyada təşkil ediləcək B Divizionunun B qrupunda yarışacaqlar. 

Tahir Baxşıyevin baş məşqçisi olduğu 20 yaşadək gənc basketbolçularımız Bolqarıstana yollanacaqlar. Burada onlar B Divizionunun A qrupundan çıxmaq üçün mübarizə aparacaqlar. 

Komandalarımızın rəqiblərini və püşkatmanın tam nəticələrini təqdim edirik:

FIBA U16 Avropa Çempionatı

Div "C" - Serravalle (San-Marino), 03-11.07.2018
"A" qrupu: San-Marino, Azərbaycan, Avstriya , Ermənistan, Albaniya, Moldova

"B" qrupu: Şotlandiya, Malta, Cəbəlüttariq, Andorra, Uels

FIBA U18 Avropa Çempionatı

Div "B" - Skopya (Makedoniya), 27.07-05.08.2018 
"A" qrupu: Belarus, Rumıniya, Portuqaliya, Norveç, İsveçrə
"B" qrupu: Azərbaycan, Belçika, Macarıstan, Gürcüstan, Estoniya, Avstriya

"C" qrupu: Çexiya, Makedoniya, Niderland, İsrail, İrlandiya, Lüksemburq
"D" qrupu: Sloveniya, Bolqarıstan, Slovakiya, İsveç, Danimarka, Albaniya  

FIBA U20 Avropa Çempionatı

Div "B" - Sofiya (Bolqarıstan), 13-22.07.2018
"A" qrupu: Azərbaycan, Latviya, Belçika, Belarus, Makedoniya
"B" qrupu: Albaniya, Sloveniya, Slovakiya, Estoniya, Bolqarıstan, Moldova
"C" qrupu: Lüksemburq, Rusiya, Macarıstan, Çexiya, Niderland, Ermənistan
"D" qrupu: Kosovo, Finlandiya, Polşa, Gürcüstan, Portuqaliya