ESTAFET/ Bu gün futbol üzrə UEFA Çempionlar Liqasında 1/8 final mərhələsinin sonuncu cavab oyunları keçirilib və 1/4 finala yüksələn bütün komandaların adlarına aydınlıq gəib.

Bakı vaxtı ilə saat 21:00-da İstanbulda başlayan “Beşiktaş” – “Bavariya” qarşılaşması daha çox formal xarakter daşıyırdı. Belə ki, almanlar evdə 5 cavabsız qolla qalib gələrək demək olar ki, cütün taleyini həll etmişdilər. Lakin "Beşikdaş" ən azından gözəl oyun və nəticəyə ümid edirdi ki, heç buna da nail ola bilmədi. Belə ki, burda da üstün olan almanlar qələbəyə seviniblər.  

Günün və mərhələnin son matçı olan “Barselona” – “Çelsi” oyunu haqda oyundan əvvəl hər kəs böyük həyəcanın yaşanacağını gözləyirdi. Lakin "Barsa" buna imkan vermədi. Bütün komponentlərdə rəqibini açıq-aşkar üstələyən katalonlar sanki 1/4 final öncəsi məşq etdi və asanlıqla qələbəni bayram edib adını növbəti mərhələyə yazdırdı. 

UEFA Çempionlar Liqası, 2017/18 mövsümü

1/8 final - cavab oyunları

14 mart 2018

“Beşikdaş” (Türkiyə) – “Bavariya” (Almaniya)  1:2

Qollar: Vaqner Lav 59 : Tiaqo Alkantara 18, Gökhan Gönül 46 (ö.q.) 

Baş hakim: Maykl Oliver (İngiltərə)

İstanbul, “Vodafone Park” stadionu

İlk oyun – 0:5

“Barselona” (İspaniya) – “Çelsi” (İngiltərə)  3:0

Qollar: Messi 3, 63, Dembele 20

Baş hakim: Damir Skomina (Sloveniya)

Barselona, “Nou Kamp” stadionu

İlk oyun – 1:1