ESTAFET/ Bu gün Rusiyanın Kazan şəhərində başlanan taekvondo üzrə böyüklər arasında Avropa çempionatında 49 kq çəki dərəcəsində mübarizə aparan qadın taekvondoçumuz Patimat Abakarova bolqar və rusiya təmsilçisini məğlub edərək yarımfinala vəsiqə qazansa da növbəti rəqibini keçə bilməyib. Xorvatiyalı idmançıya məğlub olan həmyerlimiz yarışı bürünc medalla başa vurub.

Digər taekvondoçularımızdan Qaşım Maqomedov (-58 kq) böyük britaniyalı idmançını yarışdan kənarlaşdırsa da ispan rəqibini məğlub edə bilməyib. Xanoğlan Kərimov (-54 kq) və Fatemeh Şabannia Mansour (-46 kq ) isə ilk qarşılaşmadan məğlub ayrılıb.