Villian "Barselona"nın təklifini rədd edib
ESTAFET/ "Çelsi"nin braziliyalı hücumçusu Villian "Barselona"nın ona təklif göndərdiyini etiraf edib. Lakin o "Çelsi"də qalmağa üstünlük verib.
"Mən "Çelsi"nin oyunçusuyam. Mən həmişə demişəm ki, klubda qalmaq istəyirəm. Mənə təklif göndərən yeganə komanda "Barselona" olub. Lakin mənim fikrim öz klubumladı. Londonlular özləri məni satmayanadək bu klubda çıxış etməyi düşünürəm" - deyə hücumçu fikirlərini açıqlayıb.
Xatırladaq ki, dünya çempionatından sonra istirahətdə olan Villian ötən günlərdə komandanın düşərgəsinə qayıdıb.
