TƏMSİLÇİMİZ MÖVSÜMÜN QALİBİ OLDU
ESTAFET/ Azərbaycanın triatlon üzrə yığmasının üzvü Rostislav Pevstov Alaniyada keçirilən Avropa Kubokunda gümüş medal qazanmaqla yanaşı, Avropa Triatlon İttifaqının xüsusi mükafatına da layiq görülüb.
Belə ki, mövsüm ərzində keçirilən Kubok yarışlarının yekunlarına görə Avropanın ən yaxşısı mükafatı təmsilçimizə çatıb. O bu mükafata iştirak etdiyi yarışlarda göstərdiyi nəticələrlə - Dünya kuboklarında gümüş və bürünc, Dünya çempionatında gümüş medallarla nail olub.
