"Yuventus" Xedira ilə müqaviləni yenilədi
ESTAFET/ İtaliyanın “Yuventus” klubu yarımmüdafiəçisi Sami Xedira ilə yeni müqavilə bağlayıb. Almaniya yığmasının üzvü ilə müqavilənin müddəti 2021-ci ilədək uzadılıb. Bu barədə Turin klubunun rəsmi saytı məlumat yayıb.
Almaniyalı futbolçunun “Yuventus”la müqaviləsinin müddəti mövsümün sonunda başa çatacaqdı.
Xedira “Yuventus”a 2015-ci ildə Madrid “Real”ından transfer olunub. O, bu komandada oynadığı 113 rəsmi oyunda 20 qola imza atıb.
Tunis əsilli 31 yaşlı alman 3 dəfə İtaliya çempionu olub, eyni sayda ölkə kubokunu qazanıb.
