ESTAFET/ Nəhayət ki, bu gün səhər saatlarında döyüş azarkeşlərinin səbirsizliklə gözlədikləri döyüş baş tutub. Belə ki, ABŞ-ın Las-Veqas şəhərində UFC çempionları - irlandiyalı boksçu Konor Makqreqor və rusiyal samboçu Həbib Nurməhəmmədov arasında döyüş keçirilib. 

Şəhərin "T-Mobile" Arenasında keçirilən UFC 229 turniri üzrə yüngül çəkidə çempion titulu uğrunda döyüşdə Dağıstandan olan avar əsilli Nurməhəmmədov rəqibinə heç bir şans verməyib. 

İlk 3 raundda rəqibindən açıq-aşkar üstün olan Həbib 4-cü raundda hakimləri onun qələbəsini qeydə almağa məcbur edib. O, həmin raundda Konoru boğucu fəndə salıb və bundan sonra irlandiyalı təslim olub. Beləliklə, Nurməhəmmədov yüngül çəkidə öz UFC çempionu titulunu qoruyub.