"Esperans" Çempionlar Liqasının qalibi oldu
ESTAFET/ Futbol üzrə Afrika Çempionlar Liqasının qalibinin adına aydınlıq gəlib. Tunisin "Esperans" klubu tarixində üçüncü dəfə qitə çempionu adını qazanıb.
Final oyununun cavab qarşılaşmasında bu kubokun hamıdan çox - 8 dəfə sahibi olan Misirin "Əl-Əhli" komandasını 3:0 hesabı ilə məğlub edən tunislilər mükafata sahib çıxıb. Finalın ilk görüşü misirlilərin minimal hesablı qələbəsi ilə başa çatmışdı.
Tunis klubu 1994 və 2011-ci illərdə də Afrika Çempionlar Liqasının qalibi olmuşdu.
