ESTAFET/ Bolqarıstanın paytaxtı Sofiya şəhərində qadın boksçular arasında Avropa Çempionatı davam edir. Bu gün təmsilçilərimizdən daha ikisi - Leyla Cavadova (81 kq) və Aynur Rzayeva (+81 kq) mübarizəyə qoşulub. Hər iki boksçumuz görüşlərini qələbə ilə başa vuraraq yarımfinala adlayıb. Bu isə o deməkdir ki, boksçularımız özləri üçün Avropa Çempionatının ən azı bürünc medalını təmin ediblər. Təmsilçilərimizin görüşlərini təqdim edirik.

81 kq

1/4 final: Leyla Cavadova - Lusia Brkljaça (Xorvatiya) 3:0

+81 kq

1/4 final: Aynur Rzayeva -  İrina Vinnik (Ukrayna) Texniki nokaut

Yarımfinalda Leylanın rəqibi türk Elif Güneri, Aynurun rəqibi isə rus Zenfira Maqomedaliyeva olacaq. Hər iki görüş noyabrın 22-də keçiriləcək.