ESTAFET/ Mayın 17-də Texniki Universtitetin basketbol arenasında U13, U15 yaş qruplarında (oğlanlar) ABF-Təhsil Liqasının qalibləri müəyyən edən final oyunları keçirilib.

Belə ki, 3-cü yer uğrunda (U15) qarşılaşmada "Gəncə" komandası çox cüzi xal fərqi ilə 10 saylı UGİM-in yetirmələrinə məğlub oldu 59:61. Daha sonra bu yaş qrupunda 2 saylı RİOEUGİM-in basketbolçuları 9 saylı UGİM-in komandasına heç bir şans verməyərək (77:44) Liqanın birincisi oldu.

U13 yaş qrupunda hər iki görüş kəskin mübarizə şəraitində keçdi. 3-cü yer uğrunda qarşılaşmada 10 saylı UGİM 7 saylı UGİM-i 63:47 hesabı ilə məğlub etdi. Birinci yerə iddiaçıların qarşılaşmasında isə "Sıçrayış" BK 2 saylı RİOEUGİM-in yetirmələrini 17 xal fərqi ilə məğlub etdi 62:45.

Finallardan sonra Liqa qaliblərinin mükafatlandırma mərasimi keçirilib.