Hollandiya finalda uduzdu
ESTAFET/ Qadın futbolçulardan ibarət milli komandalar arasında Fransada təşkil olunan dünya çempionatına yekun vurulub. Həlledici oyunda ABŞ və Hollandiya yığmaları üz-üzə gəlib.
Qarşılaşma amerikalıların inamlı qələbəsiylə yekunlaşıb – 2:0. ABŞ-a çempionluğu qazandıran qollara 61-ci dəqiqədə penaltidən fərqlənən Meqan Rapinoe və 69-cu dəqiqədə Lavelle imza atıb.
Beləcə, son üç dünya çempionatında finalda oynayan ABŞ yığması ardıcıl ikinci dəfə mundialın qalibi olub. Bütövlükdə isə sözügedən komanda 4-cü dəfə dünya çempionu olur (1991, 1999, 2015, 2019).
