Marina Nekrasovadan qızıl medal
ESTAFET/ Dünən Macarıstanın Sombatxey şəhərində 25 ölkənin iştirakı ilə keçirilən idman gimnastikası üzrə “Challenge” seriyasına aid Dünya Kubokunda final yarışları baş tutub.
Azərbaycan yığma komandasının üzvü, yarışlarda yeganə təmsilçimiz Marina Nekrasova dayaqlı tullanma proqramında bütün rəqiblərini üstələyərək, qızıl medala sahiblənib. Gimnastımız bu uğura 14.183 xal toplamaqla nail olub.
