"Düdelanj" baş məşqçisini qovdu
ESTAFET/ "Qarabağ"ın Avropa Liqasının qrup mərhələsindəki rəqibi "Düdelanj"ı baş məşqçisi Emilio Ferrera ilə yollarını ayırıb. Bu barədə məlumatı klub rəsmi saytı vasitəsilə yayıb.
52 yaşlı mütəxəssisin qovulmasına səbəb koömandanın ölkə çempionatındakı uğursuz çıxışı olub. Komanda müvəqqəti olaraq köməkçi-məşqçi Bertran Krassona həvalə olunub. "Düdelanj" bu mövsüm keçirdiyi 5 oyunda cəmi 4 xal toplayıb və 14 komanda arasında 12-ci pillədə qərarlaşıb.
Qeyd edək ki, "Qarabağ" qrup mərhələsində “Düdelanj”la oktyabrın 3-də və dekabrın 12-də qarşılaşacaq.
Mənbə: Matç.az
