Kaan Ayhan karyerasını A Seriyasında davam etdirəcək
ESTAFET/ Türkiyə millisinin futbolçusu Kaan Ayhan karyerasını İtaliyada davam etdirəcək. 26 yaşlı mərkəz müdafiəçisi "Sassuolo"ya keçib.
A seriyası təmsilçisi rəsmi saytı vasitəsilə "Fortuna"nın oyunçusunu transfer etdiyini açıqlayıb. Lakin transferin detalları və futbolçunun müqavilə müddəti gizli saxlanılıb. Onunla "Qalatasaray" və "Fənərbaxça" da maraqlanırdı.
Qeyd edək ki, Kaan Ayhan "Fortuna"ya 2016-cı ildə "Şalke"dən keçib.
