“Sabah”ın 50-ci sınağı, mövsümdə ilk
ESTAFET/ Futbol üzrə Azərbaycan Premyer Liqasının 2020/21 mövsümündə ilk böyükhesablı nəticə qeydə alınıb. Bu, II turun son görüşünə təsadüf edib. “Sabah” “Qəbələ”yə qarşı ev oyununda 3 cavabsız qol vurub.
Bu görüş paytaxt təmsilçisinin Premyer Liqada 50-ci matçı olub. 2018/19 mövsümündə 28, ötən çempionat 20 görüşə çıxan bakılılar 2-ci turda 50-yə çatıb. “Sabah” bu matçlarda 13 qələbə qazanıb, 12 heç-heçə edib və 25 dəfə uduzub. Coşqun Diniyevin “Qəbələ”nin qapısından keçirdiyi top paytaxt təmsilçisinin Premyer Liqada yubiley – 40-cı qolu olub. 50 matçda ümumi top fərqi 42-70-dir.
